Evangelization Palai

പ്രതിസന്ധികളില്‍ നാം ദൈവത്തെ അന്വേഷിക്കുന്നവരാകണം – മാര്‍ ജേക്കബ് മുരിക്കന്‍: Day 3

December 22, 2015zyconNews And EventsComments Off on പ്രതിസന്ധികളില്‍ നാം ദൈവത്തെ അന്വേഷിക്കുന്നവരാകണം – മാര്‍ ജേക്കബ് മുരിക്കന്‍: Day 3

പ്രതിസന്ധികളില്‍ നാം ദൈവത്തെ അന്വേഷിക്കുന്നവരാകണം
– മാര്‍ ജേക്കബ് മുരിക്കന്‍
നമ്മുടെ ജീവിതത്തില്‍ പ്രതിസന്ധികള്‍ ഉാകുമ്പോള്‍ നാം ദൈവത്തിങ്കലേക്ക് തിരിയുന്നവരാകണം. മാര്‍ ജേക്കബ് മുരിക്കന്‍ 33-ാമത് പാലാ രൂപതാ ബൈബിള്‍ കണ്‍വന്‍ഷന്റെ 3-ാം ദിവസം വി. കുര്‍ബാന അര്‍പ്പിച്ച് നല്‍കിയ സന്ദേശത്തില്‍ പറഞ്ഞു. യാക്കോബിന്റെ പ്രതിസന്ധി ഘട്ടത്തില്‍ ദൈവം കടന്നുവന്നു. അവനുമായുള്ള മല്‍പ്പിടുത്തത്തില്‍ അവന്റെ തുട തിരിഞ്ഞുപോയി. അപ്പോള്‍ അവന്‍ ദൈവത്തിന്റെ സാന്നിദ്ധ്യമറിഞ്ഞു. അവന്‍ ദൈവത്തിന് ബലിയര്‍പ്പിച്ചു. അതുപോലെ നാം നമ്മുടെ പ്രതിസന്ധി ഘട്ടങ്ങളില്‍ ദൈവം നമ്മെ സന്ദര്‍ശിക്കുന്നുവെന്നു തിരിച്ചറിഞ്ഞ് ദൈവത്തിങ്കലേക്ക് വരുവാന്‍ ദൈവം ആഗ്രഹിക്കുന്നു. ബലിയര്‍പ്പണവേളയില്‍ ദൈവം മനുഷ്യനെ സന്ദര്‍ശിക്കുന്നു. മനുഷ്യന്‍ ദൈവത്തെ കാണുന്നു. നമ്മള്‍ വിശ്വാസികളും ഭക്തരുമായിരിക്കുന്നതോടൊപ്പം കരുണയുള്ളവരുമാകണം. ദൈവം നമ്മോടു കാണിക്കുന്ന കരുണ നമ്മുടെ സഹജീവികള്‍ക്ക് നാം കൊടുക്കുമ്പോഴാണ് ദൈവകൃപ നമുക്ക് ലഭിക്കുക. കരുണയുടെ വാതില്‍ നമുക്ക് ഒരിക്കലും അടയ്ക്കാതിരിക്കുവാന്‍ ശ്രമിക്കാം. അഭിവന്ദ്യ പിതാവ് കൂട്ടിച്ചേര്‍ത്തു.
രാവിലെ 9 മണിക്ക് ആരംഭിച്ച കണ്‍വന്‍ഷനില്‍ ഫാ. ഫിലിപ്പ് മണിമലക്കുന്നേല്‍, ഫാ. മാത്യു ഇലവുങ്കല്‍ V.C. എന്നിവര്‍ വചനം പറഞ്ഞു. 11 മണിക്ക് പാലാ രൂപതാ സഹായമെത്രാന്‍ മാര്‍ ജേക്കബ് മുരിക്കന്‍ വി. കുര്‍ബാന അര്‍പ്പിച്ചു. മാര്‍ തോമസ് വലിയവീട്ടില്‍, ഫാ. സെബാസ്റ്റ്യന്‍ മുുമൂഴിക്കര, ഫാ. അഗസ്റ്റ്യന്‍ തെരുവത്ത്, ഫാ. ജോസഫ് വഞ്ചിപ്പുര എന്നിവര്‍ സഹകാര്‍മ്മികരായിരുന്നു. സാഹാഹ്ന കണ്‍വന്‍ഷന്‍ 4 മണിക്ക് ആരംഭിച്ചു. മോണ്‍. ഫിലിപ്പ് ഞരളക്കാട്ട് വി. കുര്‍ബാന അര്‍പ്പിച്ചു. ഫാ. വിന്‍സെന്റ് മൂങ്ങാമാക്കല്‍, ഫാ. മാത്യു ചന്ദ്രന്‍കുന്നേല്‍, ഫാ. ജോണ്‍സണ്‍ പുള്ളീറ്റ്, ജോര്‍ജ് പാലയ്ക്കാട്ടുകുന്നേല്‍, കുട്ടിച്ചന്‍ ഇലവുങ്കല്‍, തങ്കച്ചന്‍ ശ്രാമ്പിക്കല്‍ തുടങ്ങിയവര്‍ കണ്‍വന്‍ഷന്‍ ക്രമീകരണങ്ങള്‍ക്ക് നേതൃത്വം കൊടുത്തു.
ഇന്ന് താമരശ്ശേരി രൂപതാ മെത്രാന്‍ മാര്‍ റെമീജിയൂസ് ഇഞ്ചനാനി വിശുദ്ധ ബലി അര്‍പ്പിച്ച് സന്ദേശം നല്‍കുന്നതാണ്. രാവിലെ 9.30 മുതല്‍ 12.30 വരെയും ഉച്ചകഴിഞ്ഞ് 4 മുതല്‍ 7.30 വരെയും കുമ്പസാരിക്കുവാനും രാവിലെ 8 മുതല്‍ രാത്രി 8 വരെ കൗണ്‍സിലിങ്ങിനുമുള്ള സൗകര്യവും ഉായിരിക്കുന്നതാണ്.

അടിക്കുറിപ്പ് :
33-ാമത് പാലാ രൂപതാ ബൈബിള്‍ കണ്‍വന്‍ഷന്റെ 3-ാം ദിവസം വി.കുര്‍ബാന അര്‍പ്പിച്ച് മാര്‍ ജേക്കബ് മുരിക്കന്‍ (പാലാ രൂപതാ സഹായമെത്രാന്‍) സന്ദേശം നല്‍കുന്നു.

33-ാമത് പാലാ രൂപതാ ബൈബിള്‍ കണ്‍വന്‍ഷന്റെ 3-ാം ദിവസം വചനം കേള്‍ക്കുന്നവര്‍